|
| 我最近發覺左自己既小小習慣 最來我好少遲到的,點發現?咪上星期二HRM遲到lor 個日遲左,之後同個fd提過下,佢反問:『下,你都會遲到?』 係wo,我發覺自己由細到大都好少遲到 最記得個次都幾離譜 約左係荃灣等,夠鐘我仲瞓緊... 之後一個電話打黎...由起身落到荃灣用左30mins~(正常快極都要45mins) 但越大越發覺準時冇乜著數 身邊冇一個fd係準時既(當然有d人既遲到係可以接受的) 次次約親佢地,快都要遲半粒鐘 次次都搞到好次我早左到,好似我錯咁=.= 其實有時過叫自己專登遲下 但發覺對唔住自己良心 因為由識得開口講野個一刻起 阿媽已經教緊我要準時(當然我唔係話其他人冇人教啦) 細個好聽阿媽話,因為佢管得好嚴,冇得唔聽 到而家雖然冇管得咁嚴,但細個阿媽教既野都冇變過 依舊準時 咁到底現今社會,遲到係錯,定係準時係錯呀? | | |
| 荒廢左咁耐,終於肯打d新野
病歷呀......
就由我bb仔開始la
我唔係飲奶大ga(乜話?唔相信?)好,等我解釋下la
我細細個係完全唔受得奶ga,飲親都肚瀉
所以我係食糊仔大ga
之後身體一真都唔係咁好
係我仲係手抱既時候
我一發燒就會抽根
所以我一發燒都一定會入醫院
試過又一次係半夜發燒tim
我舅父即刻抱我去醫院
亦都因為細個經常進出醫院
所以我大個之後都覺得醫院個陣味係有親切感(好似係藥味)
直至7歲,媽媽好擔心我
所以話將我契俾觀音做左佢契仔
唔好笑呀,雖然我都唔信有鬼神,但我7歲之後身體又真係健康左wo
之後都冇咩大病痛,亦都冇左住醫院
p.s.其實有冇睇我個輝傳ga??
下次寫咩好le?我諗唔到la.不如大家留個言
話我知想睇d咩丫 | | |
| 講下小學之前既事先(突然記起)~~~
大家知唔知自己幾多歲識行&講野呀?
拿~正常小朋友係識講野-->行-->跑
但我就有小小調轉lor
o係我大約10or11個月大(實際幾多個月唔係好記得la)既時候就識行
係咪有人教我行?唔係lor
咁話說以前屋企間屋方法,間左條走廊出黎(連接大門)
咁有一天,我阿媽見我爬呀爬呀,向門口方向(當然銷左門la)爬出去la.
咁一陣之後佢就見我番入黎(仲要係穩o個隻wo)^^
係咪好神奇le?
p.s.阿媽唔知講笑定講真咁講:『佢話見到我爬出去既時候,跟住o係地下唔知執左d咩,跟住放左入口,之後就行番入黎』
咁我幾多歲識跑le?咁又唔係太清楚wo,但上早過講野lor
係丫,你冇聽錯,冇睇錯左
我好遲好遲先識講野ga
正常人也講野野既時候,就係我識行既時候
但係到人地識行,我都未識講野lor
我去到一歲多都未識講野lor
咁阿媽就好驚我唔識講野la
於是送左我去托兒所
番左一個月到(定兩個le?),我就識講野la~~~
之後仲成日駁咀tim
所以正常人係:
講野-->識行-->識跑-->幼稚園
而我....
識行-->識跑-->托兒所-->講野-->幼稚園
我係咪好與眾不同le??
預告:下次打我既病歷la | | |
| 諗住順年齡打落去,但諗諗下,又驚打完3歲先發覺2歲有野咪打,咁就大鑊la
所以我決定諗起咩就打咩la,唔睇年份la
今日打咩好le...........
就講下我小一既野la
我小學係讀聖公會主恩小學(上午校)[我成日都覺得上午班係乖d ge]
小一記得既野唔多,淨係記得3個人(2女1男)
其中一個女係我班主任,姓李既,我諗o個時佢都3x~4x歲
記得佢係因為佢好意拎住個木飯殼『話』打小朋友既手板
但有冇真係打呀.....唔係好記得lu,因為我咁乖打都唔打我la
而個男仔,姓熊既,我同o個個男仔既關係都幾特別ga(唔好誤會呀睇埋落去先)
我依稀記得我第一日番學就同人打交(老師唔知o個隻,所以可以當係小朋友玩)
而同我打既就係佢.點解同佢打交?
唔記得la wo,但我記得既係我唔只同佢打過一次交,係同佢打過好多好多次
直至3年班再同佢一班先記得1年班時同佢一班,所以3年班一開學就同佢好friend
當時我諗點解我會同佢咁friend既le?我recall番d memory
先發覺原來我腦內有既記憶只係同佢打交既記憶(仲要係full of o個隻)
去到後尾4,5,6年班分精英班,都係同佢一班,所以同佢既friendship就越黎越深
佢係我小學時最最最friend既同學仔
直今亦都係我唯一個『不打不相識既朋友』
最後講講個女同學,姓葉既
小一o個陣記得佢d咩le.......
又真係唔係好記得wo...
但無獨有偶,又係3年班同佢一班(但唔知點解,我個男同學仔係同佢唔熟ga wo)
我好記得,好記得,雖然隔左1年冇見(2年班o個時唔識走過隔離課室),但我o係3年班o個時係好記得清楚佢個*名
同小一有關既野應該係得咁多je
*p.s.後來我越大越發覺原來我記人名係好差ga | | |
| 諗住寫下我由細到大既野,但又唔知點開頭........
好la~~就由我出世前講起la
o係我出世前,我屋企人o係住板間房的
但我媽咪有了我之後,我們便可以上公屋
(據說是可以揀青衣,但因當時交通不便,所以揀了葵盛)
我是在1月26日(舊曆也是126,十二月初六),好似下午12時於瑪嘉烈許出世
我出世冇耐,我屋企人就開始o係葵盛住(直至現在),但就冇錢換鋁窗
但因為我既出世我阿爸中了六萬多元的馬,於是我屋企有錢換窗and裝修lu~~ | | |
|
